काठमाडौं । देशभर पछिल्लो २४ घण्टामा ९ सय ३६ जनामा कोरोना संक्रमण देखिएको छ । स्वास्थ्य तथा जनसंख्या मन्त्रालयकाअनुसार पछिल्ले २४ घण्टामा देशभर ९ सय ३६ जना कोरोना संक्रमित थपिएका छन् ।

पछिल्लो २४ घण्टामा देशभर थपिएका ९ सय ३६ जनासहित कुल कोरोना संक्रमितको संख्या २ लाख ५० हजार १ सय ८० पुगेको छ । जसमध्ये ९ हजार ८ सय ८१ जना सक्रिय संक्रमित रहेका छन् ।

यस्तै पछिल्लो २४ घण्टामा १ हजार ९ सय ९६ जनाले कोरोना संक्रमणलाई जितेका छन् । यससँगै देशभर कोरोना संक्रमणमुक्त हुनेको संख्या २ लाख ३८ हजार ५ सय ६९ पुगेको छ ।

विज्ञापन

देशभर पछिल्लो २४ घण्टामा कोरोना संक्रमणबाट थप १४ जनाको मृत्यु भएको छ । यससँगै कोरोना संक्रमणबाट अहिलेसम्म १ हजार ७ सय ३० जनाले ज्यान गुमाएका छन् ।