नागरिक रैबार/बाजुरा २८ साउन। जिल्लाको बडीमालिका नगरपालिका वडा नं. ९ का युवाले भत्केको बाटो मर्मत गरेर अवरुद्ध बाटो सुचारु गरेका छन् ।
वडा नं. ९ स्थित गैरीबजार देखि माझगाउँ आउने बाटो साउन २५ गते रातिको अविरल वर्षाका कारण भत्केको थियो । बाटो भत्किएपछि माझगाउँ देखि गैरीबजार जाने बाटो अवरुद्ध बनेको थियो ।
सो ठाउँको बाटो हुँदै आवत जावत गर्ने बालवालिका, वृद्ध र अशक्तलाई दैनिक आवत जावत गर्न निकै समस्या भएपछि भत्केको बाटोलाई बडीमालिका ९ का २० बढी युवाको सक्रियतामा मंगलबार विहान मर्मत गरेर पुन: सूचारु गरेको बडीमालिका ९ का युवा राजेश पायल विकले बताएका छन् ।
फेसबुक प्रतिक्रियाहरु