राजेन्द्र बहादुर रोकाया/बाजुरा २५ फागुन। बाजुरा जिल्लाको बडिमालिका नगरपालिका वडा नम्बर १ मा एक महिलाको भिरबाट लडेर ज्यान गएको छ । मृत्यु हुनेमा बडिमालिका १ पाटा निबासी राम दानीकी ३८ बर्षिया श्रीमती तुलादेबी दानी रहेकी छन् ।
दानी पाला काट्न नजिकै रहेको साँड जंगलमा गएका बेला भिरबाट लडेर मृत्यु भएको आफन्त मदन बहादुर दानीले बताउनुभयो । आइतबार बिहान करीब ८ बजेको समयमा भिरबाट ५ सय मिटर तल खसेर मृत्यु भएको बताइएकाे छ । जिल्लामा पछिल्लो समयमा भिरबाट लडेर धेरैले ज्यान गुमाई सकेका छन् ।
फेसबुक प्रतिक्रियाहरु