नागरिक रैबार/बाजुरा १८ कार्तिक। जिल्लाको बडीमालिका नगरपालिका वडा नं. २ स्थित भौनेरामा एकजना मृत अवस्थामा फेला परेका छन् ।
मृत अवस्थामा फेला पर्नेमा कैलाली जिल्ला धनगढी उपमहानगरपालिका वडा नं.१७ का ३९ वर्षीय पदम प्रजामती मगर रहेको जिल्ला प्रहरी कार्यालय बाजुराले जनाएको छ ।
प्रहरीका अनुसार मृत अवस्थामा फेला परेका मगर सोही वडामा रहेको नेपाली कागज उद्योगमा काम गर्ने मजदुर हुन् । मृत अवस्थामा फेला परेका मगरको शव शंकास्पद भएको भन्दै प्रहरीले कागज उद्योगमै काम गर्ने दुई जनालाई पक्राउ गरेको छ ।
पक्राउ परेकाहरु गौमुल गाउँपालिका वडा नं.२ का दिल बहादुर बोहरा र मृतक मगरका भिनाजु नाता पर्ने रुद्र बहादुर सारु रहेका छन् । उनीहरु दुवै जनालाई थप अनुसन्धानका लागि जिल्ला प्रहरी कार्यालय बाजुरा ल्याईएको प्रहरीले जनाएको छ ।
फेसबुक प्रतिक्रियाहरु