डडेल्धुरामा जिप दुर्घटना हुँदा ८ जना घाइते, ४ कोे अवस्था गम्भीर
समाज
डडेल्धुरामा जिप दुर्घटना हुँदा ८ जना घाइते, ४ कोे अवस्था गम्भीर
नागरिक रैबार
आइतवार, साउन १८, २०७७
अ
अ
अ
डडेल्धुरामा जिप दुर्घटना हुँदा ८ जना घाइते भएका छन् । भीमदत्त राजमार्ग अन्तर्गत अमरगढी नगरपालिका-७ पोखरा खानेपानीको मोड नजिकै जिप दुर्घटना हुँदा ८ जना घाइते भएका हुन् ।
डडेल्धुरा प्रहरीका अनुसार आइतबार बिहान करिब १ बजे धनगढीबाट बझाङतर्फ जाँदै गरेको सुपप्र ०१ ००१ ज १११५५ नम्बरको जिप दुर्घटना भएको हो ।
जिप अनियन्त्रित भई सडकभन्दा करिब २०० मिटर तल खसेको डडेल्धुराका प्रहरी नायव उपरीक्षक दधिराम न्यौपाने जानकारी दिए ।
विज्ञापन
दुर्घटनामा घाइते हुनेमा बझाङको केदारस्यूँ गाउँपालिका-४ बागथलाका ३२ वर्षीय विभु प्रकाश भट्ट, ४५ वर्षीय मानबहादुर मल्ल, ३५ वर्षीय रवीन्द्र मल्ल, १२ वर्षीया सम्पदा मल्ल, १२ वर्षीय विवेक मल्ल रहेको छन् ।
यस्तै, सोही ठाउँका ४२ वर्षीया यशोदा मल्ल, ५० वर्षीया सरस्वती मल्ल र बझाङकै बङ्गल नगरपालिका-४ का जिप चालक ३२ वर्षीय अम्मर विक पनि घाइते भएका डिएसपी न्यौपानेले जानकारी दिए ।
घाइतेमध्ये ४ जनाको अवस्था गम्भीर छ । उनीहरूलाई थप उपचारका लागि धनगढी रेफर गरिएको छ ।अन्य घाइतेहरूको डडेल्धुरा सदरमुकामस्थित डडेल्धुरा अस्पतालमा उपचार भइरहेको प्रहरीले जनाएको छ ।
फेसबुक प्रतिक्रियाहरु