हेटौंडा । प्रहरीले लागूऔषध गाँजा मुद्धाका फरार अभियुक्तलाई १९ वर्षपछि पक्राउ गरेको छ । पक्राउ पर्नेमा ४५ वर्षीय गौतम लामा रहेका छन् ।
शुक्रबार मकवानपुर मनहरी गाउँपािलका–३ घर भएका लामालाई मनहरी बजारबाट जिल्ला प्रहरी कार्यालय मकवानपुरले पक्राउ गरेको मकवानपुर प्रहरी प्रमुख मुकेश कुमार सिंहले बताए ।
लामालाई गाँजा मुद्दामा जिल्ला अदालत पर्साले २०५७ साल कात्तिक ३० गतेको फैसलामा ११ महिना ३ दिन कैद र ७ हजार ५०० जरिवाना तोकेको थियो । लामा त्यसपछि फरार भएका थिए ।
विज्ञापन
लामालाई अदालतमा उपस्थित गराई कैद र जरिवाना भुक्तानको लागि भीमफेदी जेल चलान गरिएको सिंहले बताए ।
फेसबुक प्रतिक्रियाहरु