पृथ्वी राजमार्ग अन्तर्गत धादिङको गल्छि गाउँपालिका ६ बैरेनी बजारमा बस दुर्घटना भएको छ । दुर्घटनामा एक जनाको मृत्यु भएको छ । अन्य १७ जना घाइते भएका छन् ।
आइतबार बिहान गल्छि गाउँपालिका ७ मछेडीखोलाबाट बारा जिल्लातर्फ जाँदै गरेको बा २ ख ६२६८ नम्बरको बस अनिन्यत्रित भइ सडकमा पल्टिँदा नुवाकोटकी डोल्मा तामाङको घटना स्थलमै मृत्यु भएको जिल्ला प्रहरी कार्यालय धादिङका प्रहरी उपरीक्षक राजकुमार बैदवारले बताए ।
दुर्घटनामा घाइते भएका १३ जनाको काठमाडौंस्थित ट्रमा सेन्टरमा उपचार भइरहेको छ । अन्य चार जना स्थानीय मेडिकलमा उपचारपछि घर फर्किएका छन् ।
सवारी चालक शुसिल सुवेदी प्रहरीको नियन्त्रणमा रहेको एसपी बैदवारले बताए ।
फेसबुक प्रतिक्रियाहरु