नागरिक रैबार / बाजुरा २१ कार्तिक । बाजुराको स्वामिकार्तिक गाउँपालिका–१ रुडीमा रहेको रुपाली आधारभूत विद्यालयमा कार्यरत एक जना शिक्षक बसमा मृत अवस्थामा फेला पारेका छन् ।

जिल्ला प्रहरी कार्यालय बाजुराका प्रहरी नायव उपरीक्षक उद्धवसिह भाटक अनुसार जिल्लाको हिमाली गाउँपालिका वडा नं. ७ बाधु घर भएका ५० बर्षीया दलबहादुर शाही बसमा मृत अवस्थामा फेला पारेका बताउनुभएको छ ।

बाजुराका लागी धनगढीबाट छुटेका ना.६ ख १७९२ नम्बरको बसमा बिहीवार विहान शाहीलाई मृत अवस्थामा फेला पारेको प्रहरी जानाएको छ । शाहीको के कति कारणले मृत्यृ भएको हो भन्ने बारे भने केही खुल्न नसकेको बताईएको छ ।

विज्ञापन

बस चालक कृष्ण विष्टले भने अछामको चौखुट्टमा यात्रु सकुशल रहेको र बाजुराको बुढीगंगा नगरपालिका–८ मा रहेको रिठा बजार आउँदा मृत्यु भएको अवस्थामा भेटिएको बताएका छन् । चौखुट्टेमा चिया खान बस रोकिएको समयमा सकुशल भएपनि रिठा बजार आइपुगेपछि मात्र मृत्यु भएको थाहा पाएको गाडी चालक विष्टको भनाई छ ।