थिम्पु — भारतीय प्रधानमन्त्री नरेन्द्र मोदी भुटानको सर्वोच्च नागरिक पुरस्कार ‘नगाडाग पेल गी खोर्लो’बाट सम्मानित भएका छन् । भुटानको राष्ट्रिय दिवसको अवसरमा शुक्रबार भुटानले यस्तो सम्मान प्रदान गरेको हो ।
भुटानका प्रधानमन्त्री लोटे छिरिङले ‘सर्वोच्च नागरिक सम्मान नगाडाग पेल गी खोर्लोका लागि महामहिम मोदीजीको नाम सुन्न पाउँदा खुसी लागेको’ प्रतिक्रिया दिएका छन् ।
मोदीलाई यस सम्मानका लागि योग्य भन्दै भुटानी जनताले बधाइ दिएको पनि प्रधानमन्त्री छिरिङले जनाएका छन् । उक्त सन्दर्भमा प्रधानमन्त्री कार्यालयबाट जारी विज्ञप्तिमा मोदीलाई महान आध्यात्मिक मानवको रुपमा मोदीको प्रशंसा गरिएको छ ।
विज्ञापन
प्रधानमन्त्री छिरिङले राष्ट्रिय दिवसको अवसरमा भुटानी जनतालाई बधाइसमेत दिएका छन् । सन् १९४९ को अगस्टमा दुई देशले एकअर्काको आन्तरिक मामिलामा हस्तक्षेप नगर्ने भन्दै मैत्रीपूर्ण सन्धिमा हस्ताक्षर गरेका थिए ।
यद्यपि भुटानले आफ्नो विदेश नीति मार्गदर्शन गर्नका लागि भारतलाई अनुमति दिएको छ । साथै विदेश र रक्षा मामिलाबारे दुई देशले आपसी परामर्श गर्ने बताइएको छ ।
फेसबुक प्रतिक्रियाहरु