शुक्रबार, मंसिर २०, २०७६
जोडिनुहोस
  • होमपेज
  • देश/प्रदेश
  • सुदूरपश्चिममा नेकपाले कांग्रेसको दुई सिट खोसेर एक गुमायो
देश/प्रदेश

सुदूरपश्चिममा नेकपाले कांग्रेसको दुई सिट खोसेर एक गुमायो

सुदूरपश्चिममा भएको उप–निर्वाचनमा नेकपाले कांग्रेसका दुई सिट खोसेर एक गुमाएको छ। प्रदेशका पाँच जिल्लाका सात वडामा अध्यक्षका लागि भएको उप–निर्वाचनमा नेकपाले ५ र कांग्रेसले २ स्थानमा जित हात पारेका छन्। ती मध्ये नेकपा, अछाम र बाजुरामा यसअघि काँग्रेसले जितेका दुई स्थानमा विजयी भएको छ।

जिल्लाको मेल्लेख गाउँपालिका वडा नम्बर ५ र त्रिवेणी नगरपालिका १ बाजुरामा यसअघि काँग्रेसले जितेका वडामा नेकपाका उम्मेदवार विजयी भएका हुन्। मेल्लेख गाउँपालिका ५ मा नेकपाका रमेशबहादुर खड्का र त्रिवेणी १ मा मनराज बुढा  विजयी भएका छन्। तर बैतडीको दोगडाकेदारमा भने काँग्रेसले नेकपाको सिट खोसेको छ।

यसअघि नेकपा एमाले विजयी भएको दोगडाकेदार ४ मा कांग्रेसका सुरेन्द्र प्रसाद भट्ट विजयी भएका छन्। यस्तै बैतडीकै सूर्यना गाउँपालिका – १ मा काँग्रेसकै गजेन्द्रबहादुर चन्द विजयी भए। कञ्चनपुरको पुनर्वास नगरपालिका – ३ मा कृष्णबहादुर तामाङ, बैतडीको पुर्चौडी नगरपालिका– ४मा नेकपाका शैलेन्द्र धानुक र आदर्श गाउँपालिका– २ डोटीमा नेकपाकै रामबहादुर बोहरा विजयी भएका छन्।

विज्ञापन

फेसबुक प्रतिक्रियाहरु

चर्चामा

सम्बन्धित समाचार